ARTICLE XXV.
Des perceptions que nous raportons à
nostre ame.

Les perceptions qu’on raporte seulement à l’ame, sont celles dont on sent les effets comme en l’ame mesme, et desquelles on ne connoist communement aucune cause prochaine, à laquelle on les puisse raporter. Tels sont les sentimens de joye, de colere, et autres semblables, qui sont quelquefois excitez en nous par les objets qui meuvent nos nerfs, et quelquefois aussi par d’autres causes. Le Gras, p. 38
Image haute résolution sur Gallica Or encore que toutes nos perceptions, tant celles qu’on rapporte aux objets qui sont hors de nous, que celles qu’on rapporte aux diverses affections de nostre corps, soient veritablement des passions au regard de nostre ame, lors AT XI, 348 qu’on prend ce mot en sa plus generale signification ; Toutefois on a coustume de le restreindre à signifier seulement celles qui se rapportent à l’ame mesme. Et ce ne sont que ces dernieres que j’ay entrepris icy d’expliquer sous le nom des passions de l’ame.