ARTICLE LXXXIX.
Quel est le Desir qui naist
de l’Horreur.

Or encore que ce ne soit qu’un mesme Desir qui tend à la recherche d’un bien, et à la fuite du mal qui luy est contraire, ainsi qu’il a esté dit : Le Desir qui naist de l’Agréement ne laisse pas d’estre fort different de celuy qui naist de l’Horreur. Car cet Agréement et cete Horreur, qui veritablement Le Gras, p. 120
Image haute résolution sur Gallica sont contraires, ne sont pas le bien et le mal, qui servent d’objets à ces Desirs, mais seulement deux emotions de l’ame, qui la disposent à rechercher deux choses fort differentes. A sçavoir l’Horreur est instituée de la Nature pour representer à l’ame une mort subite et inopinée : en sorte que, bien que ce ne soit quelquefois que l’attouchement d’un vermisseau, ou le bruit d’une feüille AT XI, 395 tremblante, ou son ombre, qui fait avoir de l’Horreur, on sent d’abord autant d’emotion, que si un peril de mort tres-evident s’offroit aux sens. Ce qui fait subitement naistre l’agitation, qui porte l’ame à employer toutes ses forces pour eviter un mal si present. Et c’est cete espece de Desir, qu’on appelle communement la Fuite ou l’Aversion.