ARTICLE CXXXIX.
De l’usage des mesmes Passions, entant
qu’elles appartienent à l’ame;
et premierement de l’Amour.

Ce qui suffiroit, si nous n’avions en nous que le corps, ou qu’il fût nostre meilleure partie ; mais d’autant qu’il n’est que la moindre, nous devons principalement considerer les Passions entant qu’elles appartienent à l’ame, au regard de laquelle l’Amour et la Haine vienent de la connoissance, et precedent la Ioye et la Tristesse : excepté Le Gras, p. 186
Image haute résolution sur Gallica lors que ces deux dernieres tienent le lieu de la connoissance, dont elles sont des especes. Et lors que cette connoissance est vraye, c’est à dire que les choses qu’elle nous porte à aymer sont veritablement bonnes, et celles qu’elle nous porte à haïr sont veritablement mauvaises, l’Amour est incomparablement meilleure que la Haine, elle ne sçauroit estre trop grande ; et elle ne manque jamais de produire la Ioye. Ie dis que cette Amour est extremement bonne, pource que joignant à nous de vrays biens, elle nous perfectionne d’autant. Ie dis aussi qu’elle ne sçauroit estre trop grande; car tout ce que la plus excessive peut faire, c’est de nous joindre si parfaitement à ces biens, que l’Amour que nous avons particulierement pour nous mesmes n’y mette aucune distinction ; ce que je croy ne pouvoir jamais estre Le Gras, p. 187
Image haute résolution sur Gallica mauvais. Et elle est necessairement suivie de la Ioye, à cause qu’elle nous represente ce que nous aymons, comme un bien qui nous appartient.