ARTICLE CLXXV.
De l’usage de la Lascheté.

Or encore que je ne me puisse persuader que la nature ait donné aux hommes quelque Passion qui soit tousjours vitieuse, et n’ait aucun usage bon et loüable, j’ay toutefois bien de la peine à deviner à quoy ces deux peuvent servir. Il me semble seulement que la AT XI, 463 Lascheté a quelque usage lors qu’elle fait qu’on est exempt des peines, qu’on pourroit estre incité à prendre par des raisons vraysemblables, si d’autres raisons plus certaines, qui les ont fait juger inutiles, n’avoient excité cette Passion. Car outre qu’elle exempte l’ame de ces peines, elle sert aussi Le Gras, p. 241
Image haute résolution sur Gallica alors pour le corps, en ce que retardant le mouvement des esprits, elle empesche qu’on ne dissipe ses forces. Mais ordinairement elle est tres-nuisible, à cause qu’elle detourne la volonté des actions utiles. Et pource qu’elle ne vient que de ce qu’on n’a pas assez d’Esperance ou de Desir, il ne faut qu’augmenter en soy ces deux Passions, pour la corriger.