ARTICLE CLXXVIII.
De la Moquerie.

La Derision ou Moquerie est une espece de Ioye meslée de Haine, qui vient de ce qu’on aperçoit quelque petit mal en une personne, qu’on pense en estre digne. On a de la Haine pour ce mal, et on a de la Ioye de le voir en celuy qui en est digne. Et lors que cela Le Gras, p. 244
Image haute résolution sur Gallica survient AT XI, 465 inopinement, la surprise de l’Admiration est cause qu’on s’esclate de rire, suivant ce qui a esté dit cy dessus de la nature du ris. Mais ce mal doit estre petit : car s’il est grand, on ne peut croire que celuy qui l’a en soit digne, si ce n’est qu’on soit de fort mauvais naturel, ou qu’on luy porte beaucoup de Haine.