Image haute résolution sur Gallica

PRIVILEGE.

Louïs par la grace de Dieu Roy de France et de Navarre à nos amez et feaux Conerset gens tenans nos cours de Parlement, Baillifs, Seneschaux, Prevosts, Iuges, ou leurs Lieutenants, et autres nos juges et officiers quelconques. A chascun d'eux ainsy qu'il appartiendra salut. L'invention des Sciences et des Arts accompagnez de leurs demonstrations, et des moyens de les metre à execution, estant une production des Esprits qui sont plus excellens que le commun, àa fait que les Princes et les Estats en ont tousiours receu les inventeurs avec toutes sortes de gratifications ; afin que ces choses introduites es lieux de leurs obeissances, ils en devienent plus florissans. Ainsy nostre bien amé Des Cartes nous àa fait remonstrer qu'il àa par une longue estude rencontré et demonstré plusieurs choses utiles et belles, auparavant incognuës dans les Sciences humaines, et concernant divers arts avec les moyens de les mettre en execution. Toutes lesquelles choses il offre de bailler au publiq, en luy accordant qu'il puisse faire imprimer des traitez qu'il en a composez et composera cy apres, soit de theorie soit de pratique, separement et conjointement en telle part que bon luy semblera dedans ou dehors nostre Royaume, et par telles personnes qu'il voudra de nos sujets et autres, avec les defences accoustumées en cas pareil. Nous requerant humblement nos lettres à ce necessaires. A ces causes desirant gratifier ledit Des Cartes et faire cognoistre que c'est à luy que le publiq a l'obligation de ses inventions, nous avons par ces presantes accordé, permis, voulons, et nous plaist, que le dit Des Cartes puisse faire et facefasse imprimer toutes qu'il a composées et qu'il composera touchant les sciences humaines, en tel nombre de traitez, et de volumes que ce soit separement et conjointement, en telle part que bon luy semblera dedans et dehors nostre obeissance, par telles personnes qu'il voudra choisir de nos sujets ou autres. Et que pendant le terme de dix années consecutives à conter pour chascun volume ou traité du jour qu'il sera parachevé d'imprimer : mesmes auparavant ce terme commencé aucun ne puisse imprimer ou faire imprimer en tout ny en partie sous quelque pretexte ou deguisement que ce puisse estre aucune des oeuvres du dit Des Cartes que ceux de nos sujets ou autres ausquels il en aura donné la permission, ny personne en vendre et debiter d'autre impression que de celle qui aura esté faite par sa permission, à peine de Mille livres d'amande, confisquation de tous les exemplaires, despens dommages et interests applicables moitié aux pauvres et moitié au profit du dit Des Cartes. Si vous mandons et à chascun de vous enjoignons par ces presentes que du contenu en icelles vous faites, laissez et souffrez jovir et user plainement et paisiblement le dit Des Cartes, faisant cesser tous troubles et empeschemens contraires. Et dautant que de ces presentes on pourroit avoir affaire en plusieurs lieux Nous voulons qu'au vidimus et extrait d'icelles deüment collationné par un de nos amez, et feaux Conseillers et Secretaires foy soit adjoustée comme au present original. Car tel est nostre plaisir. Donné à Paris le IIII Iour de May mil six cens trente sept et de nostre regne le vingtiesme.

Par le Roy en son conseil

Ceberet.

et seellé du grand seau de cire jaune sur
simple queuë.

Achevé d'Imprimer le 10 de Iuillet. 1644