ARTICVLVS CV.
In Tristitia.

Contra in Tristitia orificia cordis valde contrahuntur per nervulum quo circumdantur, nec ullo modo sanguis venarum agitatur. Quod efficit ut ex eo parum admodum cor adeat ; et interim viae per quas succus ciborum fluit ex stomacho et ex intestinis ad jecur apertae ; unde appetitus manet imminutus, nisi cum Odium, quod saepe Tristiae junctum est, eas claudit.