ARTICVLVS CXIX.
De Languore.

Languor est dispositio ad relaxationem et cessationem omnis motus, quae sentitur in omnibus membris. Provenit sicut tremor ex eo quod non sat multi spiritus nervos ingrediantur ; sed modo diverso ; nam causa Tremoris est quod non satis sit spirituum in cerebro, ad parendum determinationibus glandis cum eos propellit ad aliquem musculum ; at Languor provenit ex eo quod glans eos non determinat ad influendum potius in hos musculos quam in illos.