OBIECTION ONZIÉME.
Et toute la force de l’argument dont i’ay vsé pour prouuer l’existence de Dieu, consiste en ce que ie voy qu’il ne seroit Camusat – Le Petit, p. 246
Image haute résolution sur Gallica pas possible que ma nature fust telle qu’elle est, c’est à dire que i’eusse en moy l’jdée d’vn Dieu, si Dieu n’existoit veritablement, à sçauoir ce mesme Dieu dont i’ay en moy l’jdée.
Doncques puisque ce n’est pas vne chose démontrée que nous ayons en nous l’jdée de Dieu, et que la Religion Chrestienne nous oblige de croire que Dieu est inconceuable, c’est à dire, selon mon opinion, qu’on n’en peut auoir d’jdée, il s’ensuit que l’existence de Dieu n’a point esté démontrée, et beaucoup moins la creation.
Réponse.
Lorsque Dieu est dit Inconceuable, cela s’entend d’vne conception qui le comprenne totalement, et parfaitement. Au reste i’ay desia tant de fois expliqué, comment nous auons en nous l’jdée de Dieu, que ie ne le puis encore icy repeter sans ennuyer les lecteurs.