Image haute résolution sur Gallica

AVERTISSEMENT DE L’AVTEVR
Touchant les cinquiémes Objections.

Avant la premiere edition de ces Meditations, ie desiray qu’elles fussent examinées, non seulement par Messieurs les Docteurs de Sorbone, mais aussi par tous les autres sçauans hommes qui en voudroient prendre la peine, afin que faisant imprimer leurs objections et mes réponses en suite des Meditations, chacunes selon l’ordre qu’elles auroient esté faites, cela seruist à rendre la verité plus euidente. Et encore que celles qui me furent enuoyées les cinquiémes ne me semblassent pas les plus importantes, et qu’elles fussent fort longues, ie ne laissay pas de les faire imprimer en leur ordre, pour ne point desobliger leur auteur, auquel on fit mesme voir de ma part les épreuues de l’impression, afin que rien n’y fust mis comme sien qu’il n’approuuast : mais pource Camusat – Le Petit, p. 341
Image haute résolution sur Gallica qu’il a AT IX-1, 199 fait depuis vn gros liure qui contient ces mesmes objections auec plusieurs nouuelles instances ou repliques contre mes réponses ; et que la dedans il s’est plaint de ce que ie les auois publiées, comme si ie l’auois fait contre son gré, et qu’il ne me les eust enuoyées que pour mon instruction particuliere, ie seray bien aise de m’accommoder dorénauant à son desir, et que ce volume en soit deschargé. C’est pourquoy lors que i’ay sceu que Monsieur C.L.R.Clerselier, Claude prenoit la peine de traduire les autres objections, ie l’ay prié d’obmettre celles-cy ; Et afin que le Lecteur n’ait point sujet de les regretter, i’ay a l’auertir en cét endroit que ie les ay releuës depuis peu, et que i’ay leu aussi toutes les nouuelles instances du gros liure qui les contient, auec intention d’en extraire tous les points que ie iugerois auoir besoin de réponse, mais que ie n’en ay sceu remarquer aucun, auquel il ne me semble que ceux qui entendront vn peu le sens de mes Meditations pouront aysement répondre sans moy : Et pour ceux qui ne iugent des liures que par la grosseur du volume, ou par le titre, mon ambition n’est pas de rechercher leur approbation.