Image haute résolution sur Gallica

Extrait du Priuilege du Roy.

Par Grace et Priuilege du Roy, signé CEBERET, donné à Paris le 4. iour de May 1637. il est permis au sieur des Cartes d’imprimer ou faire imprimer par qui bon luy semblera, toutes ses œuures separément et coniointement, et ce durant le temps et espace de dix années consecutiues, defendant à tous Libraires et Imprimeurs, ou autres personnes de quelque sorte et condition qu’ils puissent estre, de les imprimer ny faire imprimer sans le consentement dudit sieur, ou de ceux qui auront son droit, à peine de mille liures d’amande, comme il est plus au long porté dans lesdites Lettres.

Et ledit sieur Des-Cartes a cedé et transporté son Priuilege à la Veuue Iean Camusat et Pierre le Petit, pour le Liure intitulé, Meditations Metaphysiques de René Des-Cartes touchant la premiere Philosophie, et pour en ioüir comme luy-mesme suiuant l’accord fait entr’eux le 4. Iuin 1646.