Réponse.

Celuy qui dort et songe, ne peut pas ioindre et assembler parfaitement et auec verité ses resueries auec les jdées des choses passées, encore qu’il puisse songer qu’il les assemble, Car qui est ce qui nie que celuy qui dort se Camusat – Le Petit, p. 256
Image haute résolution sur Gallica puisse tromper ? Mais après estant éueillé il connoistra facilement son erreur.

Et vn Athée peut reconnoistre qu’il veille par la memoire de sa vie passée, mais il ne peut pas sçauoir que ce signe est suffisant pour le rendre certain qu’il ne se trompe point, s’il ne sçait qu’il a este creé de Dieu, et que Dieu ne peut estre trompeur.